Літаратурная замалёўка “Паэт зямлі беларускай Якуб Колас”
“Няма ў чалавека нічога прыгажэй і даражэй за радзіму. Чалавек без радзімы ‒ бедны чалавек». Гэтыя словы Якуба Коласа сталі эпіграфам літаратурнай замалёўкі “Паэт зямлі беларускай Якуб Колас”, якая была прымеркавана да 140-годдзя з дня нараджэння народнага паэта.
Паслухаўшы верш “Мой родны кут, як ты мне мілы”, дзеці разам з бібліятэкарамі дзіцячай бібліятэкі адправіліся ў віртуальнае падарожжа “Па родных мясцiнах Якуба Коласа”, пабывалі на відэаэкскурсіі ў музеі Якуба Коласа.