Вы просматриваете: Главная > Проект "Книга месяца" > Кніга месяца ў дзіцячай бібліятэцы

Кніга месяца ў дзіцячай бібліятэцы

Опубликовано в Проект "Книга месяца" | Август 20, 2026

Бялова, В. Ю. Савелій, Ліхтарык і Чароўная фарбачка : казка / Вольга Бялова; мастак Ксенія Куранцова. – Мінск : Звязда, 2025. – 37, [1] с.

Аўтар: Вольга Бялова

Мастак: Ксенія Куранцова

Жанр: казка

Выдавецтва: Звязда

Год выдання: 2025

Рэкамендацыйны ўзрост: 6+

Аб аўтары

Вольга Юр’еўна Бялова – беларуская паэтэса, драматург, член Саюза пісьменнікаў Беларусі. Вольга Бялова нарадзілася ў 1985 годзе ў Магілёве.

У 2008 годзе скончыла Беларускі дзяржаўны ўніверсітэт культуры і мастацтваў па спецыяльнасці “‎літаратурная праца (драматургія)”.

Друкавалася ў газетах і часопісах “‎Магілёўскія ведамасці”, “‎Літаратура і мастацтва”, “Нёман”‎, “‎Маладосць”‎, у калектыўных зборніках Саюза пісьменнікаў Беларусі “‎Прыдняпроўе: Магілёўшчына літаратурная”.‎

У 2015 годзе выйшла першая кніга Вольгі Бяловай “Шчасце” – зборнік вершаў і п’ес на рускай і беларускай мовах. У 2022 годзе выйшла інтэрв’ю на тэлеканале Беларусь-3 у аўтарскай перадачы Навума Гальперовіча “Суразмоўцы”.

Вольга Бялова працуе выкладчыцай у ‎Магілёўскім дзяржаўны каледжы мастацтваў‎ і з’яўляецца кіраўніком тэатра “Атмасфера”.

Узнагароды:

  • Прызёр Усерасійскага конкурсу “Лапа Азора” ў 2016 г.
  • Прэмія Магілёўскага гарадскога выканаўчага камітэта “Дасягненне” ў намінацыі “Літаратурная дзейнасць” у 2017 г.
  • Прэмія аблвыканкама ў сацыяльнай сферы ў намінацыі “Культура і мастацтва” ў 2019 г.
  • Лаўрэат Прэміі Беларускага прафесійнага саюза работнікаў культуры, інфармацыі, спорту і турызму ў сферы культуры і мастацтва за 2021 год у намінацыі “Тэатральнае, экраннае, цыркавое мастацтва”.

Аб кнізе

Гэта казачна-таямнічая гісторыя пачалася з жоўтай фарбачкі, якая прадавалася ў краме для мастакоў. Маленькае жаўцяня стала прычынай неверагоднага клубка падзей, які прывёў звычайных беларускіх хлопчыкаў і дзяўчынак у краіну Гармоніі.

А там такое здарылася!..

Лёгкая і цікавая казачная гісторыя, арыентаваная на дзяцей дашкольнага і малодшага школьнага ўзросту, вучыць юных чытачоў дабрыні, узаемадапамозе, шчырасці і веры ў справядлівасць.

Дзе знайсці:

— філіял “Лідская гарадская дзіцячая бібліятэка” (вул. Я.Купалы, 1);

— філіял “Лідская гарадская бібліятэка №1” (вул. Катлярэўскага, 18);

— філіял “Лідская гарадская бібліятэка №2” (вул. Міцкевіча, 38, к.1);

— філіял “Лідская гарадская бібліятэка №3” (вул.Фамічова, 6);

— філіял “Лідская гарадская бібліятэка №4” (бульвар Князя Гедыміна, 5);

— філіял “Лідская гарадская бібліятэка №5” (вул.Прытацкага, 12);
— філіял “Лідская гарадская бібліятэка №6 імя В.Таўлая” (вул.Фурманава, 17);

— філіял “Бярозаўская гарадская бібліятэка” (г.Бярозаўка, вул.Карзюка, 15);

— філіял “Дзітвянская сельская бібліятэка”

— філіял “Інтэграваная бібліятэка аг.Гуды”.

Обсуждение закрыто.